विद्यार्थ्यांनी अभ्यासासोबत शारीरिकदृष्ट्या सक्षम व्हावं यासाठी त्यांनी रोज व्यायाम आणि खेळ खेळण्याची गरज असते . ही गोष्ट लक्षात घेऊन ठाण्यातल्या सरस्वती मंदिर ट्रस्टच्या संस्थापक विश्वस्त विमलताई कर्वे यांनी हा विचार कृतीत आणण्याचं ठरवलं. त्यातूनच निर्माण झालं सरस्वती मंदिर ट्रस्टची क्रीडा-विज्ञान-सांस्कृतिक केंद! आज ठाण्यातल्या कितीतरी खेळाडूंसाठी सराव करण्यापासून इतर सोयी-सुविधांसाठी हे केंद फायद्याचं ठरत आहे. या केंदाच्या स्थापनेपासूनच सरस्वती शाळेप्रमाणे इतर शाळेच्या विद्यार्थ्यांना हे केंद खुलं आहे. ४ ते १७ वयोगटातले खेळाडू या केंदाचा लाभ घेतात. या ठिकाणी बास्केटबॉल, व्हॉलीबॉल, खोखो यासारख्या मैदानी खेळांसोबतच टेबलटेनिस, ज्युडो, तायक्वांडो, जिमनॅस्टिक्स, रिदमिक जिमनॅस्टिक, अॅक्रोबॅटिक्स, बुद्धीबळ, कॅरम इत्यादी खेळांचं मार्गदर्शन तज्ज्ञांमार्फत देण्यात येतं. सध्या ठाण्यातल्या विविध शाळांमधले साधारणत: हजार विद्याथीर् या केंदाचा लाभ घेत आहेत. याबरोबरच ज्येष्ठ, महिला आणि पुरुषांसाठी स्वतंत्र व्यायामशाळा, योगसाधनावर्ग यासारख्या गोष्टीही उपलब्ध आहेत. या केंदाचे विद्याथीर् जिल्हा, राज्य आणि राष्ट्रीय तसंच आंतरराष्ट्रीय स्तरावर ठाणेकरांचं आणि केंदाचं नाव झळकवत आहेत. विविध खेळात ज्याप्रमाणे खेळाडूंनी यश संपादन केलं तसंच क्रीडा प्रशिक्षकांनीही सुयश मिळवलं आहे. आंतराराष्ट्रीय जिमनॅस्टिक परीक्षेला संपूर्ण देशातून एकूण ३० पंच परीक्षेस बसले होते त्यापैकी १२ जण उत्तीर्ण झाले. या विद्यार्थ्यांचा आणि प्रशिक्षकांचा गौरव नुकताच संस्थेच्या वतीने करण्यात आला. शाळेने शैक्षणिक गुणवत्तेबरोबरच विद्याथीर् शारीरिकदृष्ट्याही सक्षम व्हावेत आणि त्यांनी वेगवेगळ्या खेळांमध्ये नैपुण्य प्राप्त करावं असा शाळेचा उद्देश होता. त्यातूनच पुढे १९९८ मध्ये ही स्वतंत्र वास्तू उभी राहिली. लोकमान्य टिळकांनी शैक्षणिक क्षेत्राबरोबरच शारीरिक फिटनेसला महत्त्व दिलं. हाच आदर्श केंदाची उभारणी करताना संस्थेपुढे होता. म्हणून त्याच्या उद्घाटनावेळी टिळकांचे पणतू दिपक टिळक यांना बोलावण्यात आलं होतं. सध्या शहरांमध्ये मुलांना खेळण्यासाठी मैदानं नाहीत. घरांना अंगण नाही. अशा परिस्थितीत विद्यार्थ्यांच्या सर्वांगीण विकासासाठी राबवलेल्या या केंदाचं कार्य उल्लेखनीय आहे.